|
Velkomin á vef Allies. Hér er að finna verkfæri, verkefni og aðrar upplýsingar hvernig skapa má öruggt skólaumhverfi og hvernig má stuðla að jákvæðum samskiptum milli barna og draga úr ofbeldi. Efnið á vefnum miðast við leikskólakennara, grunnskólakennara og aðra þá sem koma að skólastarfi á einn og annan hátt en getur einnig nýst áhugasömum foreldrum sem vilja hlúa að velferð barna sinna. ALLIES VERKEFNIÐ – forvarnir gegn ofbeldi – samstarfsverkefni foreldra og kennara skólabarna er alþjóðlegt tveggja ára (2010-2012) rannsóknar- og þróunarverkefni. Markmið verkefnisins er að stuðla að jákvæðum og uppbyggilegum samskiptum nemenda og gera foreldrum kleift að vera virkir þátttakendur í skólasamfélaginu. Í verkefninu er lögð áhersla á að koma í veg fyrir ofbeldi í samskiptum barna, hvort sem um er að ræða tilfallandi misbeitingu valds, svo sem stríðni eða stærri mál á borð við einelti. ALLIES er hluti af Daphne III verkefnaröð sem Evrópusambandið fjármagnar. Kvenna- og kynjafræðideild hákólans í Oulu í Finnlandi stýrir verkefninu. |
Kynning
|
